Սուրբ Թադևոս առաքյալի վանքի ամենամյա ուխտագնացությունը

15 հուլիսի, 2023

Հուլիսի 15-ին ՀՀ ԱԳՆ մի խումբ աշխատակիցներ մասնակցել են Սուրբ Թադևոս առաքյալի վանքի ամենամյա եռօրյա ուխտագնացությանը, եղել նաև Ս․ Ստեփանոս նախավկայի վանքում։ Այս տարվա ուխտագնացությունը նվիրված էր Ս․ Ներսես Շնորհալի հայրապետի մահվան 850-ամյակին։

Հայաստանից ժամանած հյուրերին Սուրբ Թադևոս վանքում դիմավորել է Ատրպատականի Հայոց Թեմի առաջնորդ Գերշ․ Տ․ Գրիգոր Արք․ Չիֆթճյանը, մատուցել սուրբ պատարագ։ Ուխտագնացությանը ներկա են եղել նաև ԻԻՀ-ում ՀՀ արտակարգ և լիազոր դեսպան Արսեն Ավագյանը, դեսպանության դիվանագետները և Կապանում Իրանի գլխավոր հյուպատոս Մորթեզա Աբեդին Վարամինը։

Տեղեկացնենք, որ 2008թ. ԻԻՀ ներկայացմամբ Թադեի վանքը Ս․ Ստեփանոս և Ծործոր վանքերի հետ միասին «Հայկական եկեղեցիները Իրանում» անվամբ գրանցվել է ՅՈՒՆԵՍԿՕ-ի համաշխարհային ժառանգության ցանկում: Իսկ 2020թ. «Սուրբ Թադևոս առաքյալի վանքի ուխտագնացությունը» ներառվել է ՅՈւՆԵՍԿՕ-ի Մարդկության ոչ նյութական մշակութային ժառանգության ներկայացուցչական ցանկում։

https://int-heritage.am/en/pilgrimage-to-the-st-thaddeus-apostle-monastery/

https://int-heritage.am/pilgrimage-to-the-st-thaddeus-apostle-monastery/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր